॥ अन्नपूर्णास्तोत्रम्॥
श्रीगणेशाय नम: ॥
नित्यानन्दकरी वराभयकरी सौन्दर्यरत्नाकरी निर्धूताखिलघोरपावनकरी प्रत्यक्षमाहेश्वरी ।
प्रालेयचलवंशपावनकरी काशीपुराधीश्वरी भिक्षां देहि कृपावलंबनकरी मातान्नपूर्णेश्वरी ॥ १ ॥
नानारत्नविचित्रभूषणकरी हेमांबरांडंबरी मुक्ताहारविलम्बमानविलसद्वक्षोजकुंभांतरी ।
काश्मीरागरुवासिता रुचिकरी काशीपुराधीश्वरी भिक्षां देहि० ॥ २ ॥
योगानन्दकरी रिपुक्षयकरी धर्मार्थनिष्ठाकरी । चन्द्रार्कानलभासमानलहरी त्रैलोक्यरक्षाकरी ।
सर्वेश्वर्यसमस्त्वांछितकरी काशीपुराधीश्वरी भिक्षाम देहि० ॥ ३ ॥
कैलासाचलकंदरालयकरि गौरी उमा शंकरी कौमारी निगमार्थगोचरकरी ॐकारबीजाक्षरी ।
मोक्षद्वारकपाटपाटनकरी काशीपुराधीश्वरी भिक्षां देहि० ॥ ४ ॥
दृश्याकृशप्रभूतवाहनकरी ब्रह्मांडभांडोदरी लीलानाटकसूत्रभेदनकरी भिक्षां देहि० ॥ ५ ॥
उर्वी सर्वजनेश्वरी भगवती मातान्नपूर्णेश्वरी वेणीनीलसमानकुन्तलहरी नित्यानदानेश्वरी ।
सर्वानन्दकरी दृशा शुभकरी काशीपुराधीश्वरी भिक्षां देहि० ॥ ६ ॥
आदीक्षांतसमस्तवर्णनकरि शंभोस्त्रिभावाकरी काश्मीरी त्रिजलेश्वरी त्रिलहरी नित्यांकुरी शर्वरी ।
कामाकांक्षकरी जनोदयकरि काशीपुराधीश्वरी भिक्षां देहि० ॥ ७ ॥
देवी सर्वविचित्ररत्नरचिता दाक्षायणी सुन्दरी वामा स्वादुपयोधरप्रियकरी सौभाग्यमाहेश्वरी ।
भक्ताभीष्टकरी दशाशुभहरी काशीपुराधीश्वरी भिक्षां देहि० ॥ ८ ॥
चंद्रार्कानलकोटिकोटिसदृशा चन्द्रांशुबिम्बाधरी चन्द्रार्काग्निसमानकुन्तलधरी चन्द्रार्कवर्नेश्वरी ।
मालापुस्तकपाशसांकुशधरी काशीपुराधीश्वरि भिक्षां देहि० ॥ ९ ॥
क्षत्रत्राणकरी महाऽभयकरी माता कृपासागरी साक्षान्मोक्षकरी सदा शिवकरी विश्वेश्वरश्रीधरी ।
दक्षाक्रंदकरी निरामयकरी काशीपुराधीश्वरी भिक्षां देहि० ॥ १० ॥
अन्नपूर्णे सदापूर्णे शंकरप्राणवल्लभे । ज्ञानवैराग्यसिद्ध्यर्थं भिक्षां देहि च पार्वति ॥ १० ॥
माता च पार्वती देवी पिता देवो महेश्वर: । बांधवा: शिवभक्ताश्च स्वदेशो भुवनत्रयम् ॥ १२ ॥
