II श्री गजानन महाराजांचे २१ नमस्कार (दुर्वांकुर) II

II श्री गजानन महाराजांचे २१ नमस्कार (दुर्वांकुर)  II
शेगाव ग्रामी वसले गजानन I स्मरने तयांच्या हरतील विघ्न II

म्हणूनी स्मरा अंतरी सद्गुरूला I नमस्कार माझा श्री गजाननाला II १ II

येऊनी तेथे अकस्मात मूर्ती I करी भाविकांच्या मनाचीच पूर्ती II
उच्छिष्ट पात्राप्रती सेवियेला I नमस्कार माझा श्री गजाननाला II२ II

उन्हा तहानेची नसे त्यास खंत I दावियले सत्य असेची संत II
पाहुनी त्या चकित बॅंकटलाल झाला I नमस्कार माझा श्री गजाननाला II ३ II

घेऊनी गेला आपुल्या गृहासी I मनोभावे तो करी पूजनासी II
कृपाप्रसादे बहु लाभ झाला I नमस्कार माझा श्री गजाननाला II ४ II

मरणोंन्मुखी तो असे जाणराव I तयांच्या मुळे लाभला त्यास जीव II
पदतीर्थ घेता पुनर्जन्म झाला I नमस्कार माझा श्री गजाननाला II ५ II

पहा शुष्कवापी भरली जलाने I चिलीम पेटविली तये अग्निविने II
चिंचवणे नशिले करी अमृताला I नमस्कार माझा श्री गजाननाला II ६ II

ब्रह्म गिरिला असे गर्व मोठा I करी तो प्रचारा अर्थ लावुनी खोटा II
क्षणार्धात त्याचा परिहार झाला I नमस्कार माझा श्री गजाननाला II ७ II

बागेतली जाती खाण्यास कणस I धुरामुळे करिती मक्षिका त्यास दंश II
योगबळे काढिले कंटकाला I नमस्कार माझा श्री गजाननाला II ८ II

भक्ताप्रती असे प्रीत अपार I धावूनी जाती तया देती धीर II
पुंडलीकाचा ज्वर तो निमाला I नमस्कार माझा श्री गजाननाला II ९ II

बुडताच नौका नर्मदेच्या जलात I धावा करिती तुमचाच भक्त II

स्त्री वेष घेऊनी तिने धीर दिला I नमस्कार माझा श्री गजाननाला II १० II

संसार त्यागीयला बायजाने I गजानना सन्निध वही जिणे II

सदा स्मरे ती गुरूच्या पदाला I नमस्कार माझा श्री गजाननाला II ११ II

पितांबरा करी भरी उद्कात तुंबा I पाणी नसे भरविण्या नाल्यास तुंबा II

गुरुकरपेने तो तुंबा बुडाला I नमस्कार माझा श्री गजाननाला II १२ II

हरितपर्न फुटले शुष्क आम्रवृक्षा I पितांबराची घेत गुरु परीक्षा II
गुरुकृपा लाभली पितांबरला I नमस्कार माझा श्री गजाननाला II १३ II

चिलीम पाजवी म्हणून श्रीसी I ईच्छा मनी जाहली भिक्षुकसी II
हेतू तयाचा अंतरी जाणियेला I नमस्कार माझा श्री गजाननाला II १४ II

बाळकृष्णा घरी त्या बाळापुरासी I समर्थरूपे दिले दर्शनासी II
सज्जनगडाहुनी धावूनी आला I नमस्कार माझा श्री गजाननाला I I१५ II

नैवेद्य पक्वान्न बहू आणियेले I कांदा भाकरीसी तुम्ही प्रिय केले II

कवरासी पाहुनी आनद झाला I नमस्कार माझा श्री गजाननाला II १६ II

गाडी तुम्ही थंबिवली दयाळा I गार्डाप्रती दावियेली तिला II
शरणांगती घेऊनी तोही आला I नमस्कार माझा श्री गजाननाला II १७ II

जाती धर्म नाही तुम्ही पाळीयेला I फकीरा सवे हो तुम्ही जेवीयेला II
दावूनी ऐसे जाना बोध केला I नमस्कार माझा श्री गजाननाला II १८ II

अग्रवालास सांगे म्हणे राममूर्ती I अकोल्यास स्थापुनी करी दिव्यकीर्ती II

सांगता क्षणी तो पहा मानिला I नमस्कार माझा श्री गजाननाला II १९ II

करंजपुरीचा असे एक विप्र I उदरी तयाच्या असे की हो दु:ख II

दु:खातूनी तो पहा मुक्त झाला I नमस्कार माझा श्री गजाननाला II २० II

दुर्वांकूरा वाहुनी एकवीस I नमस्काररुपी श्री गजाननास II

सख्यादास वही श्रीगुरूच्या पदाला I नमस्कार माझा श्री गजाननाला II २१ II

 

 

।। श्री गजानन बावन्नी ।।

।। श्री गजानन बावन्नी ।।

जय जय सद्गुरु गजानना ।
रक्षक तूची भक्तांना ।।१।।

निर्गुण तू परमात्मा तू ।
सगुण रुपात गजानन तू ।।२।।

सदेह तु परि विदेह तू ।
देह असुनी देहातीत तू ।।३।।

माघ वद्य सप्तमी दिनी ।
शेगांवात प्रगटोनी ।।४।।

उष्ट्या पत्रावळी निमीत्त ।
विदेहत्व तव हो प्रकट ।।५।।

बंकटलाला वरी तुझी ।
कृपा जाहली ती साची ।।६।।

गोसाव्याच्या नवसासाठी ।
गांजा घेसी लाऊनी ओठी ।।७।।

तव पदतीर्थे वाचविला ।
जानराव तो भक्त भला ।।८।।

जानकीरामा चिंचवणे ।
नासवूनी स्वरुपी आणणे ।।९।।

मुकीन चंदुचे कानवले ।
खाऊनी कृतार्थ त्या केले ।।१०।।

विहरीमाजी जलविहिना ।
केले देवा जलभरणा ।।११।।

मधमाश्याचे डंख तुवा ।
सहन सुखे केले देवा ।।१२।।

त्यांचे काटे योगबले ।
काढुनि सहजी दाखवले ।।१३।।

कुस्ती हरिशी खेळोनी ।
शक्तीदर्शन घडवोनी ।।१४।।

वेद म्हणूनी दाखवला ।
चकीत द्रवीड ब्राम्हण झाला ।।१५।।

जळत्या पर्यंकावरती ।
ब्रम्हगिरीला ये प्रचिती ।।१६।।

टाकळीकर हरिदासाचा ।
अश्व शांत केला साचा ।।१७।।

बाळकृष्ण बाळापुरचा ।
समर्थ भक्तचि जो होता ।।१८।।

रामदास रुपे त्याला ।
दर्शन देवुनि तोषविला ।।१९।।

सुकलालाची गोमाता ।
द्वाड बहु होती ताता ।।२०।।

कृपा तुझी होताच क्षणी ।
शांत जाहली ती जननी ।।२१।।

घुडे लक्ष्मण शेंगावी ।
येता व्याधी तू निरवी ।।२२।।

दांभिकता परि ती त्याची ।
तू न चालवुनि घे साची ।।२३।।

भास्कर पाटील तव भक्त ।
उद्धरिलासी तूं त्वरीत ।।२४।।

आज्ञा तव शिरसावंद्य ।
काकहि मानती तुज वंद्य ।।२५।।

विहरीमाजी रक्षियला ।
देवा तु गणू जवर्याला ।।२६।।

पिंताबरा करवी लीला ।
वठला आंबा पल्लविला ।।२७।।

सुबुद्धी देशी जोश्याला ।
माफ करी तो दंडाला ।।२८।।

सवडद येथील गंगाभारती ।
थुंकुनि वारली रक्तपिती ।।२९।।

पुंडलिकाचे गंडातर ।
निष्ठा जाणुनि केले दुर ।।३०।।

ओकांरेश्वरी फुटली नौका ।
तारी नर्मदा क्षणात एका ।।३१।।

माधवनाथा समवेत ।
केले भोजन अद्यष्ट ।।३२।।

लोकमान्य त्या टिळकांना ।
प्रसाद तूचि पाठविला ।।३३।।

कवरसुताची कांदा भाकर ।
भक्षिलीस त्या प्रेमाखातर ।।३४।।

नग्न बैसुनि गाडीत ।
लीला दाविली विपरीत ।।३५।।

बायजे चित्ती तव भक्ती ।
पुंडलिकावर विरक्त प्रिती ।।३६।।

बापूना मनी विठ्ठल भक्ती ।
स्वये होशी तु विठ्ठल मुर्ती ।।३७।।

कवठ्याच्या वारकर्याला ।
मरीपासुनी वाचविला ।।३८।।

वासुदेव यति तुज भेटे ।
प्रेमाची ती खूण पटे ।।३९।।

उद्धट झाला हवालदार ।
भस्मिभूत झाले घरदार ।।४०।।

देहांताच्या नंतरही ।
कितीजणा अनुभव येई ।।४१।।

पडत्या मजुरा झेलीयले ।
बघति जन आश्चर्य भले ।।४२।।

अंगावरती खांब पडे ।
स्त्री वाचे आश्चर्य घडे ।।४३।।

गजाननाच्या अद्भुत लिला ।
अनुभव येती आज मितीला ।।४४।।

शरण जाऊनी गजानना ।
दुःख तयाते करी कथना ।।४५।।

कृपा करी तो भक्तांसी ।
धावूनि येतो वेगेसी ।।४६।।

गजाननाची बावन्नी ।
नित्य असावी ध्यानीमनी ।।४७।।

बावन्न गुरवारी नेमे ।
करा पाठ बहुभक्तीने ।।४८।।

विघ्ने सारी पळती दुर ।
सर्व सुखांचा येई पूर ।।४९।।

चिंता सार्या दुर करी ।
संकटातूनि पार करी ।।५०।।

सदाचार रत् सदभक्ता ।
फळ लाभे बघता बघता ।।५१।।

सुरेश बोले जय बोला ।
गजाननाची जय बोला ।।५२।।

जय बोला हो जय बोला
गजाननाची जय बोला

अनंतकोटी ब्रम्ह़ांडनायक महाराजाधीराज योगीराज परब्रम्ह सच्चिदानंद भक्तप्रतीपालक शेगांवनिवासी समर्थ सद्गुरु श्रीगजानन महाराज की जय
जय गजानन जय गजानन