||गणेशवंदना||
प्रारंभी विनंती करु गणपति विद्यादयासागरा|
अज्ञानत्व हरुनि बुध्दी मती दे आराध्य मोरेश्वरा ||
चिंता क्लेश दारिद्र दुःख अवघे देशांतरा पाठवी |
हेरंबा गणनायका गजमुखा भक्ता बहु तोषवी |
मोरया मोरया गोड हे नाम तुझे , कृपा सागरा हेचि माहेर माझे |
तुझी सोंड बा वाकुडी ऐकदंता, मला बुध्दी दे मोरया गुणवंता|
गणपती म्हणे वरेण्या दृष्टांच्या संगती न लागावे |
ज्याला मोक्षपदाची इच्छा त्याने सदा मला ध्यावे ||
मोरया मोरया मी बाळ तान्हे, तुझी मी सेवा करुकाय जाणे |
अन्याय माझे कोट्यानुकोटी, मोरेश्वरा बा तु घाल पोटी॥
नेत्री दोन हीरे प्रकाश पसरे अत्यंत ते साजिरे |
माथा शेंदुर पाझरे , वरी खरे बरे दुर्वांकुराचे तुरे ||
माझे चित्त विरे, मनोरथ पुरे ,देखोनि चिंता हरे|
गोसावी सुत वासुदेव कवि रे त्या मोरयाला स्मरे||
