|| देव्यष्टकम् ||

 || देव्यष्टकम् ||
----------------------------

महादेवीं महाशक्तिं भवानीं भववल्लभाम् ।
भवार्तिभञ्जनकरीं वन्दे त्वां लोकमातरम् ॥ १ ॥

भक्तप्रियां भक्तिगम्यां भक्तानां कीर्तिवार्धिकाम् ।
भवप्रियां सतीं देवीं वन्दे त्वां भक्तवशिनत्सलाम् ॥ २ ॥

अन्नपूर्णां सदापूर्णां पार्वतीं पर्वपूजिताम् ।
महेश्र्वरीं वृषभारुढां वंदे त्वां परमेश्र्वरीम् ॥ ३ ॥

कालरात्रिं महारात्रिं मोहरात्रिं जनेश्र्वरीम् ।
शिवकान्तां शम्भुशक्तिं वंदे त्वां जननीमुमाम् ॥ ४ ॥

जगत्कर्त्रीं जगद्धात्रीं जगत्संहारकारिणीम् ।
मुनिभिः संस्तुता भद्रां वंदे त्वां मोक्षदायिनीम् ॥ ५ ॥

देवदुःखहरामंबां सदा देवसहायकाम् ।
मुनिदेवैः सदा सेव्यां वंदे त्वां देवपूजिताम् ॥ ६ ॥

त्रिनेत्रां शंकरीं गौरीं भोगमोक्षप्रदां शिवाम् ।
महामायां जगद्वीजां वंदे त्वां जगदीश्र्वरीम् ॥ ७ ॥

शरणागतजीवानां सर्वदुःखविनाशिनीम् ।
सुखसंपत्करीं नित्यां वंदे त्वां प्रकृतिं पराम् ॥ ८ ॥

देव्यष्टकमिदं पुण्यं योगानन्देन निर्मितम् ।
यः पठेद्भक्तिभावेन लभते स परं सुखम् ॥ ९ ॥

॥ इति देव्यष्टकं संपूर्णम् ॥
================