श्रीगुरु दत्तराजमूर्ती, ओवाळितो प्रेमे आरती ||धृ || ब्रह्मा-विष्णु-शंकराचा असे अवतार श्रीगुरुचा | कराया उद्धार जगाचा जाहला बाळ अत्रि ऋषिचा, धरिला वेष असे यतिचा, मस्तकी मुकुट शोभे जटीचा | कंठी रुद्राक्ष माळ धरुनी,
हातामध्ये आयुध बहुध धरुनी, तेणे भक्तांचे क्लेश हरुनी त्यासी करुनि नमन अघशमन होइल रिपुदमन गमन असे त्रैलोक्यावरती || १|| ओवाळितो प्रेमे आरती || श्रीगुरु दत्तराजमूर्ती, ओवाळितो प्रेमे आरती || धृ ||
गाणगापुरी वसति ज्याची, प्रीति औदुंबर छायेची, भीमा - अमरसंगमाची भक्ति असे बहुत सुशिष्यांची, वाट दावुनिया योगाची ठेव देतसे निजमुक्तीची, काशीक्षेत्री स्नान करितो, करविरि भिक्षेला जातो माहुरि निद्रेला वरितो तरतरित छाटि, झरझरित नेत्र, गरगरित शोभतो ओवाळितो प्रेमे आरती || श्रीगुरु दत्तराजमूर्ती, ओवाळितो प्रेमे आरती ||धृ||
त्रिशुळ जया हाती || २ ||
अवधुत स्वामि सुखानंदा ओवाळितो सौखकंदा तार हा दास हृदयकंदा सोडवी विषय-मोह-छंदा आलो शरण अत्रिनंदा, दावि सद्गुरु ब्रह्मानंदा, चुकवी चौऱ्याऐशींचा फेरा, घालिति षड्रिपु मज घेरा, गांजिति पुत्र-पौत्र दारा-
वदवी भजन मुखी तव पुजन करितसे सुजन याचे बलवंतावरती ||३|| ओवाळितो प्रेमे आरती || श्रीगुरु दत्तराजमूर्ती, ओवाळितो प्रेमे आरती || धृ ||
