श्री वासुदेवानंद सरस्वती रचित गुरुस्तुति

****श्री वासुदेवानंद सरस्वती रचित गुरुस्तुति****

जो सत्य आहे परिपूर्ण आत्मा l जो नित्य राहे उदित प्रभात्मा l
ज्ञाने जयाच्या नर हो कृतार्थ l तो पूर्ण आनंद गुरु समर्थ ll १ ll

अखंड आत्मा अविनाशी दत्त l तया पदी लाविती जे स्वचित्त l
वित्तभ्रमा सोडिती ते कृतार्थ l l तो पूर्ण आनंद गुरु समर्थ ll २ ll

जो जागृतीस्वप्नसुषुप्तिसाक्षी l जो निर्विकारे सकलां निराक्षी l
विक्षी परी ज्यासी नसे निजार्थ l तो पूर्ण आनंद गुरु समर्थ ll ३ ll

जळीं स्थळी सर्वही वस्तुमाजी l व्यापुनी राहेची तयासी राजी l
जो ठेवि भावें नर हो कृतार्थ l तो पूर्ण आनंद गुरु समर्थ ll ४ ll

जें दृश्य ते रूप नसे जयाचे l दृश्यांत राहे अविकारी ज्याचे l
स्वरूप तोची अविनाशी अर्थ l तो पूर्ण आनंद गुरु समर्थ ll ५ ll

दृष्यासी घेतां नच घेववे जें l स्वरूप तथ्य प्रभुचें स्वतेजें l
स्वयेंप्रकाशे जगी जो परार्थ l तो पूर्ण आनंद गुरु समर्थ ll ६ ll

असोनी सर्वत्र गुरुप्रसादा l विना न लाभें करताही खेदा l
भेदाची वार्ता करी जो अपार्थ l तो पूर्ण आनंद गुरु समर्थ ll ७ ll

अनन्यभावें भजतां अनन्य l लभ्य प्रभू जो नच होयि अन्य l
सन्यस्त सर्वेषण तारणार्थ l तो पूर्ण आनंद गुरु समर्थ ll ८ ll

मागे तुकाराम तयासि दत्त l दे वासुदेवा करुनी निमित्त l
हें स्तोत्र चिन्मात्र पदासमर्थ l द्याया हराया सकलध्यनर्थ ll ९ ll

गाणगापुरी अठराशे सत्तावीस शकमधी l
उदेले स्तोत्र हे अधिव्याधि हारी हरी कुधी ll १० ll
ll इति श्रीमतपरमहंस परीव्राजकाचार्य
श्री वासुदेवानंद सरस्वती विरचितं गुरुस्तुति: संपूर्णम