!! विविध स्तोत्र-मंत्र-आरती !!

आपल्या सनातन वैदिक धर्मामध्ये हजारो वर्षांपासून देव-देवता, ऋषी- मुनी यांनी लोक कल्याणार्थ बरीच स्तोत्र, मंत्र, श्लोक, वेद-पुराणे, आरत्या, विविध व्रत वैकल्ये, पूजा- विधी इत्यादी लिहून ठेवले आहेत. असे नित्योपयोगी लेखन आम्ही आपल्यासाठी घेऊन आलो आहोत. त्याचा आपल्या आराध्य देवते प्रमाणे नित्यपाठ केल्यास आपल्यास इच्छित फलप्राप्ती होते.

दत्ताची पदे (झाल्यें बाई! वेडी । दरबार गुरूचा झाडीं)

झाल्यें बाई! वेडी । दरबार गुरूचा झाडीं ॥ध्रु०॥

देहपीतांबर फाडिला । नवरत्नांचा हार काढिला ।

सद्गुरूचे गळां घातला। वासना सोडीं । दरबार० ॥१॥

कल्पनाकाचोळी काढिली । त्रिगुणांची वेणी सोडिली ।

चारि देहांची मुक्ति साधिली । परी ती थोडी ॥ दर० ॥२॥

वेडी झाल्ये सद्गुरुघरची । चिंता हरपली मनाची ।

सोय दाखविलि स्वसरूपाची । लागली गोडी । दर० ॥३॥

चिन्मयस्वरूप दाखवीलें । आपणामध्ये मेळवीलें ।

पूर्णानंद गुरुनें केलें । पाय न सोडीं । दरबार० ॥४॥